December 05, 2007

Gaskavahkku juovlamánu 5. beaivi

Nieida boahtá! Nieida lea boahtime Romsii! Letne jur geargan telefuvnnas hoallamis, ja beare mearriduvvui! Mon hálidan dan, son hálida dan, leat sihkkarit duhát siva manin ii leat viissis nie ruvva gaskavuođa ovddidit, muhto what the hell? In hálit vuordit, in hálit smiehttat, hálidan visot! Dál! Vaikko ikte!

Ja son dobdá dan seamma. Manin galge vuordit? Manin galge biddjon minstara čuovvut? Ii go olmmoš galgga dahkat dan man váibmu bivdá? Ii go dat leat álo riekta? Duohtavuohta ja eaktivuohta, eai go dat leat deháleamos, go goabbat hálidit dan seamma? Letne goit girdebilleahtaid jo diŋgon, dagaime dan eskke ovttas neahta ja telefuvnna bokte. Nieidda maŋimus eksámen lea 14. beaivvi, ja dalle boahtá. Galgá leahkit mus golbma ija, ja nu illudan ahte illá nagan vuoigŋat. Iđit ferten siidii riŋget ja čilget ahte in sáhte liikká siidii boahtit ovdal 17. beaivvi. In dieđe jur maid galggan dadjat, muhto ii oro jur dál nu dehálaš. Muhto dál manin seŋgii. Nahkárat eai ihkin boađále, dan dieđán, muhto hálidan dobddu beare seastit. Sukksukksukk...!

1 comment:

mon said...

Dál don loavttát nu bures ahte it gille čállit it maidege.

Mon maid geahččalan loaktit das ahte dan dieđán. Muhto mon goitge hálidan eanet teavsttaid dus.

Dus várra ii leat fáttát šat man birra berrešit čállit... - Čáles vaikko man birra! Idjaeallin birra dieppe gos leat. Čorgen birra, jos dál čorget Niidii. Biepmu birra - borat go ain?